Синоптичарите најавуваат студено утро со мала до умерена облачност, по што во текот на денот времето ќе биде сончево со умерена облачност. Ќе дува слаб до умерен ветер од североисточен правец, а минималните температури ќе се движат од -8 до 0 степени, додека максималните дневни ќе достигнат од 0 до 6 степени Целзиусови.
Во Скопје времето ќе биде сончево со умерена облачност, со слаб ветер од североисток. Утринската температура ќе се спушти до -4 степени, а дневната ќе достигне околу 4 степени.
Според Управа за хидрометеоролошки работи, утре преку ден времето ќе биде стабилно и суво, но со ниски утрински температури. Кон крајот на денот, во текот на ноќта и во среда, се очекуваат повремени врнежи, претежно од снег.
Од четврток ќе преовладува променливо облачно време со сончеви периоди, а по котлините ќе има услови за појава на магла, особено во утринските часови.
