На натпреварот помеѓу Раднички Крагуевац и Младост во Лучани, фудбалската заедница беше шокирана од трагичната вест за смртта на тренерот Младен Жижовиќ. Четириесетчетиригодишниот Жижовиќ, кој остави трага и во македонскиот фудбал како тренер на Шкупи, ненадејно се сруши покрај клупата во текот на првото полувреме.
Судијата веднаш го прекина натпреварот, а играчите, во шок и паника, побараа помош. Лекарите веднаш реагираа, а Жижовиќ беше пренесен на носилка во болница, додека гледачите го поддржуваа со аплаузи. Сепак, по околу 15 минути, стигнаа тешки вести – Жижовиќ почина во болница.
Оваа трагедија остави длабока рана во српскиот фудбал, а натпреварот помеѓу Младост и Раднички беше веднаш прекинат. Фудбалската заедница се обедини во жалост за загубата на еден од своите најпосветени тренери.
