Во близина на Белград, поранешната српска тенисерка и селекторка на репрезентацијата, Татјана Јечменица, загина во страшна сообраќајна несреќа. Инцидентот се случи во петокот навечер на обиколницата околу главниот град, а нејзиниот сопруг е во критична состојба.
Според првичните информации, несреќата се случила на надвозникот Орловац, кога Јечменица, управувајќи со својот џип, се обидела да се врати откако го промашила излезот. Во тој момент, на нивниот автомобил налетал шлепер. Пожарникарите пристигнале на местото на несреќата по околу 20 минути и пронашле две лица заробени во возилото.
Татјана Јечменица, починала на самото место, додека нејзиниот сопруг бил извлечен свесен, но со тешки повреди на градниот кош. Лекарите се борат за неговиот живот, ставајќи го во вештачка кома.
Татјана Јечменица беше позната по својата успешна кариера во тенисот, освојувајќи шест ITF турнири во поединечна конкуренција и три во двојки. Таа учествуваше на сите четири Гренд слем турнири, а најголемиот успех го постигна во 1996 година, кога влезе во второто коло на Ролан Гарос. По завршувањето на активната кариера, во 2005 година стана селекторка на женската тениска репрезентација на Србија и Црна Гора, но се повлече само една година подоцна.
