Вашингтон, 10 јануари 2024 (МИА) – Новоизбраниот американски претседател Доналд Трамп изјави дека рускиот лидер Владимир Путин сака да се сретнат и дека се организира средба меѓу двајцата. Тој ја даде изјавата синоќа, само една и пол недела пред да ја преземе функцијата, по ветувањата за време на неговата кампања да донесе мир во Украина, која е под руска инвазија од февруари 2022 година.
„Тој сака да се сретнеме, а ние се подготвуваме за средбата“, рече Трамп на состанокот со републиканските гувернери во неговото одморалиште Мар-а-Лаго во Палм Бич, Флорида.
„Претседателот Путин сака да се сретнеме, тоа го кажа дури и јавно, и мораме да ја завршиме таа војна, тоа е крвав хаос“.
Трамп никогаш не дал конкретни предлози за прекин на огнот или мировен договор и често ја критикуваше големата воена помош што САД ја испратија до Киев.
САД со Бајден се најголемиот поддржувач на Украина за време на војната со воена помош вредна повеќе од 65 милијарди долари од февруари 2022 година.
Од Златко Шумковски Извор МИА
