Националната установа Центар за култура „Никола Јонков Вапцаров“ – Делчево објавува упис на нови членови во Фолклорната секција, која со децении претставува чувар на народното творештво и традиција од Пијанечкиот регион и пошироко.
Фолклорот е основа на идентитетот и културното наследство, а преку песна, оро и игра, Центарот ја пренесува оваа ризница на младите генерации.
Упис за сите возрасти
Уписот е отворен за сите заинтересирани – деца, млади и возрасни, почнувајќи од 4-годишна возраст па нагоре. Работата со членовите ја води стручно лице – соработник за фолклор и сценско-уметничка дејност, кое низ професионален пристап ги воведува учесниците во народните игри, песни и обичаи.
Можности и придобивки
Со приклучување кон ансамблот, членовите ќе имаат можност:
- да настапуваат на концерти и фестивали во земјата и странство,
- да бидат дел од големо и сплотено семејство кое ја негува традицијата,
- да растат со љубов кон уметноста и културата.
„Со секој нов член, нашата приказна станува побогата и поразновидна. Ве покануваме да бидете дел од овој патувачки аманет што од минатото го носиме кон иднината,“ порачаа од Центарот за култура.
Детали за уписите
- Уписите траат од 15 септември до 15 октомври.
- Термини за проби: понеделник, среда и четврток од 16:00 до 20:30 часот, петок од 16:00 до 19:00 часот.
- Локација: сала „Спомен Дом АСНОМ“ – Делчево.
- ℹ️ За постарите членови распоредот останува непроменет.
- ▶️ Почеток на работа: 15 септември.
Контакт за пријавување
Соработник за фолклор и сценско-уметничка дејност:
Кристијан Трајановски
076/495-887
