Проектот Хуманитарни акции.мк во саботата на 15.02. по повод празникот Св.Трифун, а под кампањата Храна за сите, организираше акција за собирање и донирање храна и безалкохолни пијалоци, кои им беа донирани на најранливите категории, социјално загрозените семејства, самохрани родители и пензионери со ниски приходи. Истиот ден беа потпомогнати околу 100-тина семејства, кои пак беа помогнати од различни фирми, правни и физички лица. 
Инаку оваа кампања опстојува од 2001година, каде за празниците под слоганот Храна за сите се собира и донира храна онаму каде е најпотребна. Од истата оваа организација Хуманитарни акции.мк не известуваат дека вакви акции биле одржани и за големите празници Бадник каде биле донирани 100-тина торти и за празникот Василица каде што дури на над 500 семејства им било донирано храна и пијалоци.
Оваа кампања продолжува со исто темпо и во следниот период, а како што е најавено тоа ќе се случи пред големиот христијански празник Велигден.
Од проектот Хуманитарни акции.мк апелираат до сите заинтересирани фирми и поединци кои сакаат да донираат, дека слободно може да им се приклучат на следните кампањи со координација преку нивната фб група Кампања Храна за сите.
Во меѓувреме потенцираат дека наскоро започнува повторно проектот Матурантски донации кој што е во пресрет на матурските забави, како и настанот Здравствена солидарност кој што е дел од проектот Донирај лек – Сподели надеж.
Дополнително не информираат дека на невладините организации низ Македонија им ја презентираат Петицијата за државна рефундација на бебешки пелени за самохрани и нови родители од социјално ранлива категорија. Оваа тема е есенцијален проблем, посебно со покачувањето на бебешките производи, последните три години каде што кај новите родители создаде горчлива болка и побарувачката од нив како Хуманитарна организација се покачи за 400 проценти и рапидно расте.
