Самјуел Асамоа, 31-годишен фудбалер од Того, се наоѓа во критична состојба по тешка несреќа на теренот за време на натпревар од второто ниво на кинескиот фудбал. Асамоа, кој игра за Гвангџи Пингво, доживеа сериозен инцидент во мечот против Чонгкинг Тонглианлонг, кога во судир со противничкиот играч Жанг Жиксионг, падна и со главата удри во рекламните табли.
По падот, медицинскиот тим веднаш интервенираше, но за жал, резултатите од прегледите покажаа дека Асамоа претрпел повеќекратни фрактури на вратот и значителни оштетувања на нервниот систем. Според соопштението на клубот, фудбалерот е опериран и ќе мора да ја пропушти остатокот од сезоната, а постои и сериозна опасност неговата кариера да биде загрозена.
Во средата, клубот објави ново соопштение во кое се заблагодарува на навивачите за поддршката и најави дека ќе ги информираат за напредокот на Асамоа по дополнителните прегледи. Оваа несреќа повторно ја отвора дебатата за безбедноста на играчите и условите на терените во професионалниот фудбал.
