Според податоците на Државниот завод за статистика, во четвртото тримесечје од 2024 година, стапката на слободни работни места изнесува 1.93 %.
Највисока стапка на слободни работни места од 3.47 % има секторот Објекти за сместување и сервисни дејности со храна, додека најмала е стапката во секторот Јавна управа и одбрана; задолжително социјално осигурување, во кој изнесува 0.13 %.
Деловните субјекти со број на вработени од 10 до 49 имаат највисока стапка на слободни работни места, која изнесува 2.69 %.
Пелагонискиот Регион има највисока стапка на слободни работни места, која изнесува 2.72 %.
Во апсолутни бројки од вкупно 9.562 слободни места, најголем дел се во Скопскиот регион каде има 4.862 слободни места. Следи Пелагонискиот со 1.362 слободни места, а најмалку слободни места има во Североисточниот, само 262.
Најголем број на слободни работни места, односно 2 149, има во втората група занимања – Стручњаци и научници.
