Скопје, 19 август 2024 (МИА) – Водата во Скопје е безбедна за пиење, покажуваат резултатите од испитувањата направени на 208 примероци земени од 47 мерни места во градот.
-Секторот за санитарна контрола во периодот од 12-ти до 16 август зема 208 примероци за физичко-хемиска и 208 примероци за микробиолошка анализа на вода за пиење од 47 мерни места во Градот Скопје. Согласно добиените резултати од испитувањата, сите примероци одговараат на Правилникот за барања за безбедност и квалитет на водата за пиење, се вели во денешното соопштение од ЈП „Водовод и канализација“.
Јавното претпријатие, како што се наведуваат оттаму, со цел подобра информираност на граѓаните на град Скопје, овие податоци ги објавува во неделниот извештај за квалитетот и безбедноста на водата за пиење, добиен од анализите спроведени во Секторот за санитарна контрола.
Од Славица Стефановска/МИА
