Лондон, 6 март 2024 (МИА) – Извршниот директор на Мерцедес, Тото Волф, го нарече настапот на тимот во првата трка од сезоната во Формула 1 разочарувачки. На Големата награда на Бахреин, возачот на „Сребрените стрели“ Џорџ Расел заврши петти, а Луис Хамилтон беше седми. Волф очекува подобро на претстојната трка во Саудиска Арабија.
– Нашиот настап во Бахреин може да се опише како разочарувачки. Очекувавме подобри резултати по сите тренинзи и квалификации. И двајцата наши возачи беа задоволни од рамнотежата на болидот на почетокот на викендот, а болидот како целина почна да работи постабилно. За жал, на саботната трка, ефикасноста на системот за ладење на нашите болиди, како што се испостави, не ги исполни очекувања. Имаме шанса да направиме чекор напред на Големата награда на Саудиска Арабија. Ќе биде одлично да продолжиме да работиме на истражување на можностите на нашиот нов болид на сосема поинаква патека, многу различна од патеката во Бахреин, изјави Волф за „Racingnews365“.
Големата награда на Саудиска Арабија ќе се вози од 7 до 9 март. Стартот на саботната трка е во 18 часот.
Минатата година, возачот на Ред Бул, Серхио Перез победи на оваа патека.
Од: Зоран Стерјовски Извор: МИА
