Денешното време ќе биде променливо облачно во текот на претпладнето, додека попладне се очекува да биде сончево со умерена облачност. Ветерот ќе биде слаб до умерен, со преовладувачки северен правец. Минималните температури ќе се движат од 11 до 19 степени, а максималните ќе достигнат од 26 до 33 степени.
Во Скопје, времето ќе биде сончево со умерена облачност, а ветерот ќе биде слаб до умерен од север. Минималната температура во главниот град ќе биде околу 17 степени, додека максималната ќе достигне до 32 степени.
Според информациите од Управата за хидрометеоролошки работи (УХМР), во сабота во југоисточните делови на земјата се предвидуваат услови за изолирана појава на краткотраен дожд и ретки грмежи. В недела, времето повторно ќе биде нестабилно, со пороен дожд и грмежи, а на некои места ќе има и поинтензивни временски појави во форма на невреме. Локален дожд се очекува и в понеделник претпладне, по што ќе дојде до стабилизирање на времето.
