Xiaomi Auto објави дека го произведе својот 500.000-ти електричен автомобил, а станува збор за зелениот модел Xiaomi YU7. Овој значаен успех доаѓа само 602 дена по дебито на компанијата во секторот на електрични возила со првиот модел, Xiaomi SU7.
Потражната за Xiaomi SU7 беше толку силна, што купувачите на почетокот се соочија со долги листи на чекање. Според порталот CarNewsChina, времето на чекање за испорака во еден момент достигна дури 62 недели. Извештајот додава дека Xiaomi успеа да го намали времето на чекање на периоди помеѓу шест и 31 недела, додека Ultra варијантата сега има проценето време на чекање од шест до девет недели.
Во текот на оваа година (во првите десет месеци), Xiaomi Auto испорача вкупно 315.376 возила, а за целата година се очекува бројка од близу 400.000 возила. На крајот, компанијата потврди дека извозот на моделите SU7 и YU7 во Европа ќе започне во 2027 година.
