По цели осум години Alfa Romeo објави дека во текот на следната година, поточно средината, ќе ја претстави втората генерација од својот прв кросовер, моделот Stelvio.
Во таа насока, а во пресрет на крајот на оваа година, објави кратко тизер видео за кое еминентниот авто магазин Carscoops открива дека всушност се работи за задните ЛЕД светла токму на новата генерација на Stelvio.
Магазинот открива дека предниот дел ќе биде инспириран од моделот Junior односно дека ќе има кратка т.н. Scudetto маска со 3Д графика инспирирана од амблемот на Alfa Romeo.
Она што е познато за новата генерација е дека ќе се базира на STLA L платформата која во моментов Stellantis ја користи кај новиот Dodge Charger. Ќе дојде и со хибридна и целосна електрична верзија која би можела да има и до неверојатни 1000 КС.
По премиерата на новиот Stelvio, Alfa Romeo во првата половина на 2026 година треба да ја претстави и новата генерација на моделот Giulia.
