Како што беше најавено, денеска Здружението „Наши“ до Основното јавно обвинителство поднесе пет кривични пријави со кои се опфатени над 20 вработени во Центри за социјални работи ширум Македонија, поради, како што велат оттаму, неправилно издавање на решенија за доверување на деца по развод на родителите.
„Луѓето во центрите за социјална работа сакаат да кажат- немаме надлежности. А, во друга рака си земаат. Тие се и суд, значи примаат докази, кажуваат што е доказ , што не е доказ. Па ги проценуваат. Па, спрема тие докази даваат решенија , а одеднаш кога ќе ги прашаат , зошто го правите тоа, влегуваат во надлежностите. Патем, има и дел од тоа навлегување во надлежноста на судот. Значи работат работа што не е нивна“, кажа Сашо Панговски – претседател на Здружението „Наши“.
Делата врз основа на кои се поднесени овие кривични пријаве се надминување на овластувањата, злоупотребата на позицијата, корупција, извршени фалсификати, лажни пријави и слично.
