По објавено видео на социјални мрежи на кое се гледа како неколку лица мачат животно- коњ како и по иницијативи од граѓани и невладини организации, по обезбедување идентификација за лицето сопственик на животното од Одделот за криминалистика при Министерството за внатрешни работи, Агенцијата за храна и ветеринарство (АХВ) спроведе инспекциски надзор кај идентификуваното лице.
Со увидот констатирано е дека постои објект каде се чувале животни од видот коњи, но, животното, без соодветна документација и неидентификувано, претходно веќе било продадено од сопственикот.
При надзорот, констатирано е дека истото лице чува во дворот 3 кучиња спротивно на одредбите од Законот за заштита и благосостојба на животните во несоодветни услови ( затворени во кафези) и неухранети и спротивно на Законот за идентификација и регистрација на животните неидентификувани со микрочип. Од страна на инспекторот- официјален ветеринр, кучињата се одземени oд сопственикот и предадени на ЈП Лајка. На сопственикот му е изречена парична глоба и издадено му е решение за забрана за чување на коњи без идентификација и регистрација на одгледувалиште во системот на АХВ.
