Македонскиот фудбалски репрезентативец Елиф Елмас прикажува одлични игри во дресот на Торино, каде настапува како позајмен играч од РБ Лајпциг. Но, како што се приближува крајот на сезоната, така се намалуваат шансите Торино да го откупи неговиот договор.
И покрај добрата форма, претседателот на Торино, Урбано Каиро, нема намера да ја активира откупната клаузула вредна 17 милиони евра, наведена во договорот за позајмица потпишан во јануари. Според извори блиски до клубот, Каиро се надеваше дека ќе може да ја повтори стратегијата од минатата година, кога го доведе Хрватот Никола Влашиќ од Вест Хем за само 10 милиони евра.
Сепак, овојпат Лајпциг не планира да прави отстапки. Германскиот клуб смета дека клаузулата е реална одраз на пазарната вредност на Елмас и јасно ставил до знаење дека нема да прифати намалување на отштетата. Дополнително, неколку клубови од Серија А, меѓу кои Милан и Лацио, веќе покажале интерес за македонскиот играч.
Не се исклучува ни евентуален трансфер во Премиер-лигата, каде неколку клубови го следат развојот на ситуацијата. Очекувањата се дека летниот преоден рок ќе биде клучен за иднината на Елмас, кој полека прераснува во едно од најпосакуваните имиња на трансфер пазарот.
