Сместено во срцето на Водно, онаму каде шумата е најгуста, бетонската зграда, која некогаш требаше да биде детско одморалиште, веќе 43 години стои руинирана и напуштена.
Изградбата на ова монументално здание започнала во 1980 година откако неколку години претходно била донесена одлука за нејзина изградба. Намената позната: детско одморалиште каде ќе престојуваат деца како од Скопје така и од останатите делови на Македонија.
Всушност, ова одморалиште било дел од големиот план за изградба на одморалишта од каде се произлезени и одморалиштата на Голак, во Берово, во Крушево, Маврово… Заедничко за сите тие е што денес се препуштени на милост на времето и природата.
Се наоѓа на 900 метри надморска височина и на околу 2 километри од врвот на Водно. Започнува да се гради во 1980 година, но две години подоцна стопирани се сите активности.
Објектот е со приземје, мезанин, три ката и поткровје. Во моментов се наоѓа во состојба на карабина со воочливо квалитетна армирано-бетонска конструкција.
Во 2014 година тогашната Влада се обиде да го продаде одморалиштето, заедно со уште неколку други, но барањето на приватни инвеститори се покажа како тешка мисија.
И по 43 години овој објект останува да сведочи на едно друго време, кога децата заземале централно место во социјалната политика на земјата.
