Полициски службеници од СВР Куманово на 23 јануари 2026 година ги лишиле од слобода М.М. (68) и Д.Б. (51), двајцата од Куманово.
По претходно обезбедена судска наредба, бил извршен претрес во викендица во селото Младо Нагоричане, сопственост на М.М. При претресот била пронајдена околу еден килограм амфетамин.
Според сознанијата на полицијата, наркотичната дрога била оставена на чување од страна на Д.Б.
Двете лица биле приведени во полициска станица, а по целосно расчистување и документирање на случајот, против нив ќе следуваат соодветни кривични пријави.
