Шефицата на европската дипломатија, Кая Калаc, остро ги отфрли тврдењата на САД дека Европа е на пат кон цивилизациски колапс. На завршниот ден од конференцијата за безбедност во Минхен, Калаc истакна дека стариот континент е симбол на слобода и напредок, а не на пропаѓање.
Според неа, животниот стандард во Европа е на завидно ниво, што го потврдува и анкетата во која 40% од Канадците изразиле желба да станат дел од Европската унија. Калаc нагласи дека таквите податоци ја отфрлаат тезата за пад на Европа, која е дел од новата стратегија за национална безбедност на САД.
Во документот на американската администрација се наведува дека Европа се соочува со сериозни предизвици, вклучувајќи миграции, културни и верски промени, како и опаѓање на наталитетот, што би можело да ја направи „непрепознатлива“ во следните дваесет години. Но, Калаc уверува дека Европа не е во криза, туку напротив, се развива и напредува.
Таа исто така се осврна на слободата на медиумите, наведувајќи дека нејзината родна Естонија е втора на светската листа на слобода на медиумите, додека САД се на 58. место. “Занимливо е што критики за слобода на медиумите доаѓаат од земја која сама не е на високо место на таа листа”, рече Калаc.
На крајот, Калаc повика на единство и зајакнување на европската безбедност, нагласувајќи дека критиките кон Европа стануваат сè пообични во одредени политички кругови. Нејзините коментари доаѓаат во време кога Европа се соочува со многу предизвици, но и со можности за раст и напредок.
