Во Загреб, вчера околу 13:40 часот, полицијата приведе 59-годишен возач кој управувал возило по Савска улица, иако на таа делница сообраќајот е дозволен само за јавен превоз и такси возила, пренесува Danica.hr.
При проверката, полицијата утврдила дека возачот бил под силно дејство на алкохол, со измерени 3,37 промили алкохол во крвта. Дополнително, мажот немал важечка возачка дозвола – истата му била одземена поради неподложување на задолжително медицинско испитување.
Пијаниот возач бил веднаш уапсен и задржан во службен притвор додека не се отрезни. Следниот ден бил спроведен пред прекршочниот суд, каде што било предложено да му се изрече казна затвор од 60 дена и забрана за управување со моторно возило во траење од шест месеци.
Судот на крајот го прогласил за виновен и му изрекол парична казна во висина од 5.060 евра, потврди загребската полиција.
