Мирко “Кро Кап” Филиповиќ, хрватската боречка икона, се подготвува за враќање во рингот по шестгодишна пауза, во спектакуларна егзибиција против Фјодор Јемалененко, познат како последниот цар на боречките спортови. Овој двобој ќе се одржи дваесет години по нивниот прв и единствен судир во Саитама, на 28 август 2005 година, кога Фјодор го победи Мирко во борба која се смета за една од најзначајните во историјата на ММА. По тој натпревар, двајцата борци никогаш не се сретнаа повторно.
За разлика од првиот дуел, овој реванш ќе се одвива по боксерски правила. Кро Кап, кој сега има 51 година, и Јемалененко, кој има 48, ќе се соочат во рингот, но местото на одржување е сè уште неизвесно. Иако првично беше планирано да се одржи во Јапонија, проблемите со достапноста на салите натераа организаторите да бараат нова локација.
Враќањето на Мирко е особено значајно, особено по неговото повлекување од професионалниот спорт во 2019 година, кога преживеа мозочен удар. Тогаш тој изјави: “Никогаш повеќе нема да влезам во ринг, не смеам да дозволам некој да ме удри.” Сепак, најновите здравствени прегледи покажуваат дека Кро Кап е подготвен за овој судир. И покрај формалното повлекување, тој никогаш не престана да тренира и секојдневно се подготвува во својата сала во Загреб. Оваа континуирана активност му овозможи да остане во одлична физичка форма, што му дава шанса за враќање во рингот и во ветераниските години.
