Македонското друштво “Илинден” од Тирана на Конгресот на Федералната унија на европски националности (ФУЕН) во Хусум, Германија се претстави со свој штанд.
Претседателот на Македонското друштво “Илинден” од Тирана Никола Ѓурѓај учествува на конгресот на Федералната унија на европски националности што се одржува во Хусум, Германија. Друштвото со свои претставници веќе девет години, од кога е рамноправна членка на ФУЕН, редовно учествува на сите конгреси и другите активности на Унијата.
– Во рамки на активностите на овој значаен собир, со свој штанд се претстави и нашето друштво. Имаме пропаганден материјал на кој се претставени македонските носии, убавините на областите каде што живеат Македонците во Албанија, како и примероци од единствениот весник на македонски јазик “Илинден“. Искрен да бидам, македонскиот штанд побуди голем интерес кај учесниците, кои го посетија во голем број. Македонскиот штанд го посети и Винче Лорант, претседател на ФУЕН, – изјави за Македонски весник “Илинден” Никола Ѓурѓај, претседател на друштвото.
Никола Ѓурѓај, кој учествува на Конгресот што почна пред два дена, додава дека посебно место на штандот бил отстапен за примероците од фото албумот “Народни носии на Македонците во Република Албанија“, што неодамна беше промовиран во Тирана.
Според Никола Ѓурѓај и претставниците на другите малцинствата од Европа, на Конгресот на ФУЕН се претставиле со свои штандови со пропаганден материјал.
Македонското друштвото “Илинден” од Тирана е член на ФУЕН од 16 мај 2015 година и е дел од работната група за словенските малцинства. Во овој период редовно учествува на конгреси и други активности, а по предлог на друштвото усвоени се и Резолуции за правата на Македоцните во Албанија.
▶ Случајно видео
Пробај ја и оваа алатка:
