Во денешното обраќање од Штип, премиерот Христијан Мицкоски изрази загриженост за злоупотребата на болката на родителите кои ги загубија своите деца во трагичниот пожар во Кочани. Според него, некои политички фигури, кои ги нарече „лешинари“, се обидуваат да ја искористат оваа трагедија за свои интереси.
„После последните маршеви за ангелите од Кочани, јас можев да се видам во својот дигитален споменик како сум испрскан со крв и кадешто се води една таква кампања против мене, министерот Тошковски и директорот Јанев. Мислам дека има одредени лешинари коишто најмалку им е дојдено до ангелите од Кочани, ја злоупотребуваат судбината на родителите,“ изјави Мицкоски.
На последниот „Марш за ангелите“ во Кочани, семејствата и роднините на жртвите побараа оставки од Мицкоски и министерот за внатрешни работи, Панче Тошковски, што дополнително ја зголеми тензијата во јавноста.
