Euro Ncap, најреномираната организација за тестирање на безбедноста и сигурноста на новите автомобили, ја објави листата на најбезбедни автомобили за 2024 година по класи.
Рангирањето е направено врз основа на скоровите при краш тестовите и тоа по сите четири параметри: безбедност на возачот, безбедност на децата (патниците на задната клупа), безбедност за пешаците и безбедносната асистенција на возачот.
За најбезбеден автомобил е избран Mercedes-Benz E-Class. Овој автомобил најдобар скор оствари во поглед на безбедноста на возачот (возрасните патници) и тоа од 92%.
Volkswagen Passat е прогласен за најбезбеден автомобил во категоријата на големи семејни автомобили. Слично како и Е-класата на Mercedes, и овој автомобил најдобар скор оствари во поглед на безбедноста на возачот.
Европската доминација на ранг листата ја заокружува Skoda Superb. Овој модел на чешкиот производител оствари идентичен скор како и VW Passat и тоа од 93% за безбедност на возачот, 87% за безбедност на децата, 82% за безбедност на пешаците и 80% за безбедносна асистенција.
Во категоријата на мали кросовери за најбезбеден е прогласен кинескиот Zeekr X додека честа на Јапонците ја одбрани Mazda CX-80 кој е избран за најбезбеден во категоријата на големи кросовери.
