Скопје, 27 мај 2024 (МИА) – Редоследот на раѓање кај децата влијае на тоа како тие гледаат на светот, како се однесуваат и какви желби, способности и стремежи ќе имаат во животот.
Статистиката покажува дека најголемите светски лидери најчесто биле прво дете во семејството. Ова говори, главно – за односот на родителите кон нивните најстари деца. Имено, првородените „се капат“ во љубов од самото раѓање, а помалите честопати се чувствуваат осамено, запоставено и со недостаток од внимание, па подоцна имаат потреба да се борат за своето место во околината и општеството, објави „Крстарица“.
Како „најсакани“ во својот дом, и со желбата за лидерство, највозрасното дете е силна личност, но понекогаш станува и „авторитарен“ човек.
И средните деца, честопати, се амбициозни и имаат силна волја и ведар дух. Уште од детството, постарите им помагаат во сѐ, поради што овие живеат удобно и во зрелоста. Исто така, и тие побрзо созреваат, но често и си поставуваат огромни задачи. Конкуренцијата ги тера средните деца да бараат успех во оние области каде што постарото дете е послабо.
Најмалите деца, пак, се оние разгалените, па често остануваат зависни и слаби личности. Поради ова, тие често се склони кон „авантури“ и опасни потфати, во стремежот да докажат колку се силни и независни. А, другата крајност е „зачувување“ на првичната положба каде што секогаш ќе им биде потребна помош.
Од Слободан Иванов Извор МИА
