Денеска (10 август) сообраќајот на државните патишта се одвива без застои, по суви коловози, информира Автомото сојузот на Македонија (АМСМ).
Интензитетот на сообраќај на патните правци надвор од урбаните средини е зголемен, особено поради летните одмори. На граничниот премин Табановце времето на чекање за влез или излез од државата изнесува околу еден час. На останатите гранични премини од македонска страна не се бележат подолги задржувања.
АМСМ апелира до возачите да ја приспособат брзината на движење, да ја почитуваат сообраќајната сигнализација и да управуваат внимателно, особено на патни делници низ котлини, речни долини и клисури, каде постои опасност од одрони. Најризични се делниците: Катланово – Велес, Маврово – Дебар – Струга, Виница – Берово и Кочани – Делчево.
