Вашингтон, 7 февруари 2025 (МИА) – Бројот на нововработени во САД, не вклучувајќи ги оние во земјоделскиот сектор, во јануари се зголемил за 143.000,се дознава од денеска објавениот изештај на американското Биро за труд. Ова е помалку од 170.000 нови работни места прогнозирани од економистите, јави „Волстрит журнал“.
Стапката на невработеност во САД се намали до 4 отсто, слично како и прогнозирните 4,1 отсто, така што резултат стагнира и нема подобрување. Бројката покажува дека американската економија расте но со многу слабо темпо, коментира весникот.
Белата куќа денеска излезе со соопштение обвинувајќи ја за ова претходната администрација на Џо Бајден.
-Денешниот извештај за вработеноста покажува дека економијата под (водство на поранешниот претседател) Бајден беше далеку полоша од очекуваното и ја нагласува потребата од про-економските политики на претседателот Трамп“, изјави портпаролката Керолајн Левит.
Главните берзански индекси реагираа воздржано на овие резултати.
Бројот на нови работни места во декември изнесувал 307.000, се дознава од ревидираните податоци посочени во извештајот.
Од Борис Камчев, САД Извор МИА
