Макпрогрес ДОО Виница е компанија основана 1990 година во Виница, како мал семеен бизнис. Од тогаш до денес, компанијата доживува голем развој на производниот процес. Примарната дејност на Макпрогрес е производство на кондиторски производи како и преработка, обработка и доработка на земјоделски зрнести култури. Асортиманот на Макпрогрес се состои од повеќе од 300 разновидни производи со над 12.000 тони готови производи годишно производство. Денес, во Макпрогрес работат повеќе од 400 вработени и постојат четири фабрики со 8 линии за производство на кондиторски производи, една за земјоделски зрнести производи и една за производство и обработка на здрава храна.
Неодамнешниот пожар во кој целосно изгоре главниот погон претставува огромен удар за компанијата, но и за локалната заедница. Ова особено се потенцира поради фактот што компанијата вработува 500 лица од Виница и околните села и градови, а во континуитет остварува и позитивен финансиски резултат.
Доколку се анализираат последните три календарски години ќе се забележи дека компаниајта напредува по сите можни параметри. Три и повеќе години во континуитет Макпрогрес остварува зголемување на приходите, добивката, бројот на вработени и висината на просечната бруто и нето плата. Така на пример од 1.783.968.000 денари вкпен приход во 2022 година, компанијата оствари зголемување на 2.207.115.000 денари во претходната, 2024 година.
Компанијата минатата година оствариле профит од 140.444.000 денари односно нешто над 2,2 милиони евра. Тоа претставува зголемување на профитот за речиси 400 илјади евра.
Напредок има и во поглед на бројот на вработени. Така 2022 година ја заврши со 450 вработени, а минатата, 2024 година со 500 вработени. Просечната нето плата во 2024 година во однос на 2022 година е зголемена за 12.000 денари.
