И Општина Карпош добива Лидл маркет. На вчерашната седница на Советот на Општина Карпош, мнозинството советници ја поддржаа точката Предлог – Одлука за утврдување на Нацрт Измена и дополна на Детален урбанистички план за градска четврт ЦС 15, Блок 02.
Оваа одлука се носи со цел промена на постоечкиот ДУП со цел овозможување на изградба на маркетот. Се работи за локацијата во населеното место Криви Дол, спроти Тојота и Stop&Go.
Неофицијално дознаваме дека целата постапка за носење на деталниот урбанистички план ќе заврши до крајот на оваа година, а градежните активности се очекуваат во првата половина од следната година. Маркетот би требало да биде отворен до крајот на 2026 година.
