Започнаа работните активности за реализација на проектот со кој трајно ќе се реши проблемот со тешките товарни возила со кој подолг период се соочуваат жителите на населеното место Тркање.
Со отпочнувањето на изведбените активности се прави конкретен чекор кон воспоставување на ново сообраќајно решение, кое ќе овозможи поврзување на м.в. Цацков Бунар со постоечкиот алтернативен пат Кочани – Тркање.
Со ова решение тешкиот товарен сообраќај ќе биде соодветно пренасочен, ќе се намали оптоварувањето низ населеното место и значително ќе се зголеми безбедноста на жителите.
Воедно, ќе се обезбеди побезбедно и поорганизирано исклучување на возилата од компанијата Амфенол, со што дополнително ќе се подобри безбедноста и проточноста на сообраќајот.
Реализацијата на овој проект претставува важно инфраструктурно решение кое значи поголема безбедност, подобра организација на сообраќајот и поквалитетни услови за живот за граѓаните.
Извор:kocani.gov.mk
▶ Случајно видео
Пробај ја и оваа алатка:
