8 октомври 2024 година, Скопје, Македонија – Коалицијата за заштита на децата ја отфрла Програмата ФЛОРИШ како дел од серијата програми “Родителство за целоживотно здравје” на Светската здравствена организација и УНИЦЕФ, која во школите во Македонија ја спроведува таканаречениот Институт “Алтернатива”, формиран од Снежана Гајдаѕис Кнежевиќ, близок соработник на Хера, а заради спроведување на родова идеологија наменета за родители/старатели и адолесценти на возраст од 10 до 14 години.
Коалицијата за заштита на децата апелира Владата на Македонија да ја забрани работата на Институтот “Алтернатива“ во намерата да регрутира родители и адолесценти за реализција на Програмата ФЛОРИШ за “промоција и имплементација на родово сензитивни образовни програми” за “постоење на стотици полови/родови кои може да се менуваат”.
Коалицијата за заштита на децата смета дека општина Карпош треба да ја прекине соработката и финансирањето на работата на Институтот “Алтернатива” во општинското основно училиште “Јан Амос Коменски”.
Коалицијата за заштита на децата ги повикува родителите да отфрлат учество во програмите за спроведување на родова ЛГБТИ+ идеологија на Институтот “Алтернатива” и да бараат од директорите и наставничките совети на општинските основни училишта да забранат пристап на Институтот “Алтернатива” за промоција на родови ЛГБТИ+ идеологии меѓу учениците и децата!
Коалицијата за заштита на децата и натаму за трајни морални вредности на човештвото и општеството ги смета бракот како заедница меѓу еден маж – татко и една жена – мајка, семејството, верата, нацијата и државата!
Коалицијата за заштита на децата во духот на овие трајни морални вредности на човештвото и општеството бара воспитание и образование на децата и следните поколенија!
Коалицијата за заштита на децата ја отфрла родовата идеологија со неконвенционалната дефиниција на машкиот и женскиот род, независно од биолошкиот машки и женски пол, што може да се менува според волјата на човекот. Коалицијата за заштита на децата и натаму смета дека за македонското општество: Машкиот пол е машки род, женскиот пол е женски род, така било, така е, така и ќе остане, полот и родот се биологија, а не идеологија!
Извор: Коалиција за заштита на децата
