Општина Неготино, во соработка со Оделението за урбанизам и заштита на животната средина, организира значајна акција за пошумување, насочена кон зголемување на зелените површини и подобрување на животната средина. Оваа иницијатива е поддржана од МЕН ЕНД МАУНТЕНС (МАМ), кои, како дел од проектот „Генералка викенд“, обезбедуваат донација на садници.
Како резултат на нашето активно учество, Општина Неготино доби насади кои официјално го носат името „Сончева гора“. На 13.03.2026 година (петок), со почеток во 9:30 часот, ќе се засадат 100 садници Свилен Багрем / Кинеска Мимоза, високи два метра, на локацијата Споменик Манчо Малиминов.
Ве повикуваме да се приклучите на оваа хумана акција и заедно да придонесеме за создавање на поздрава и позелена животна средина. Вашето учество е клучно за успехот на оваа иницијатива, а секој засаден садник е чекор кон подобра иднина. Не пропуштајте ја шансата да бидете дел од оваа важна промена!
