Реал Мадрид и тренерот Хаби Алонсо се разделија по краткиот период на соработка, само еден ден по поразот од Барселона во финалето на Суперкупот на Шпанија. На негово место, клубот го назначи Алваро Арбелоа, кој досега беше тренер на резервниот тим Кастилја.
Оваа вест дојде по поразот од 3-2 против Барселона во финалето на Суперкупот, одржано во Џеда, Саудиска Арабија. Алонсо, кој имаше тригодишен договор, не успеа да ја заврши првата година од него, а клубот објави дека одлуката за неговото заминување е донесена „по взаемно согласување“.
Во соопштението на Реал Мадрид, се истакнува дека Алонсо ќе остане во срцата на навивачите како легенда на клубот, кој секогаш ги претставуваше вредностите на Реал. Клубот му се заблагодари за неговата работа и му посака успех во идните предизвици.
