Ресторан „Мис Стон“ од село Смојмирово направи значаен чекор во поддршката на локалниот спорт, донирајќи комплетна фудбалска опрема за сениорската екипа на Фудбалскиот клуб „Малеш“. Оваа донација, која вклучува дресови, тренерки, шушкавци и фудбалски топки, значително ќе ги подобри условите за тренинг и натпреварување на клубот.
Гестот на Ресторан „Мис Стон“ не само што е важен за самата екипа, туку и за целата заедница. Со оваа поддршка, ресторанот ја потврдува својата општествена одговорност и посветеност кон развојот на спортот, особено кон младите спортисти кои ја претставуваат општината со гордост.
Поддршката од локалните компании, како што е „Мис Стон“, е од клучно значење за развојот на спортот во регионот. Оваа иницијатива не само што мотивира спортисти, туку и создава услови за постигнување нови успеси на теренот.
Од името на Општина Берово, изразуваме искрена благодарност до Ресторан „Мис Стон“ за оваа значајна донација. Се надеваме дека оваа соработка ќе продолжи и во иднина, во интерес на спортот и младите во нашата заедница.
