Партијата СДСМ продолжува со објавувањето на своите кандидати за градоначалници, а во најновото соопштение ги откри имињата на уште тројца кандидати. Со ова, вкупниот број на кандидатури досега достигна 60.
Драган Анастасов е предложен за градоначалник на Пробиштип, додека Драгослав Симоновиќ ќе се бори за позицијата градоначалник на општина Градско. Борче Гиевски е кандидатот за градоначалник на Зелениково.
„Сите кандидати на СДСМ се чесни, одговорни и посветени луѓе, кои ќе го дадат својот максимум во интерес на граѓаните. Преку изборните програми кои се подготвуваат заедно со граѓаните, со стручни лица и експерти во различни области СДСМ ќе понуди издржани решенија за секоја општинина и ќе претстави нова визија за развој на локалните заедници.“ стои во соопштението на партијата.
