Родителите на загинатите во пожарот во Кочани пред судницата во Идризово, непосредно пред почетокот на решението рочиште, се појавија со транспарент од ликовите на сите 63 жртви. Преку овој транспарент, мајките на загинатите велат дека сакат да ги потсетат обвинетите за сите деца кои тие лично ги убија и да ги потсетат дека сепак тие се виновни за нивната смрт, иако ниту еден од обвинетите на првото рочиште не призна вина. Дел од родителите на жртвите, непосредно пред денешното рочиште, во изјава за медиумите го изразија својот револт токму поради фактот што ниту сопственикот на Дискотеката Дејан Јованов Деко, но ниту еден од останатите 34 обвинети, не кажа дека чувствува вина. Во таканаречената дискотека Пулс во Кочани на 16 март загинаа 63 лица, а над 200 беа повредени. Денешното рочиште ќе продолжи со воведни зборови на одбраната на обвинетите.
