Берлин, 14 јули 2024 (МИА) – Репрезентацијата на Шпанија вечерва во Берлин ја победи Англија и стана победник на Европското фудбалско првенство 2024.
Нико Вилијамс во 47. и Микел Ојарзабал во 86. минута погодија за Шпанците. Англичаните постигнаа гол преку Кол Палмер во 73. минута.
Шпанија по четврти пат стана европски првак, што е рекорд меѓу сите европски селекции. Претходно, Шпанците победија во 1964, 2008 и 2012 година.
Англија вторпат по ред го загуби финалето на Европско првенство.
Од Зоран Стерјовски/МИА
