Милан Илоски е 25 годишен фудбалер кој во моментов настапува за Сан Диего во МЛС лигата на САД. Роден е на 29 јули 1999 година во Ескондидо, Калифорнија, САД.
Фудбалската кариера ја започнува во екипата на Реал Солт Лејк, а од 2017 до 2019 година настапува за УКЛА Бринс. Професионалната сениорска кариера ја започнува во Голден Стејт Форс, а во периодот од 2019 до 2023 година игра за Огден Сити, Реал СОлт Лејк, Реал Монархс и Оринџ Каунти.
Токму во Оринџ Каунти бележи неверојатни настапи. Во фудбалската лига на 66 натпревари постигнува 29 голови што предизвика интерес на неколку европски клубови. На 12 септември 2023 година потпиша за Нордсјеланд од Данска. За клубот на 16 лигашки натпревари постигнал само два гола што беше недоволно да задржи место во стартната позиција. Поради тоа е пратен на позајмица во екипата на Сан Диего.
Токму тука се враќа во форма и на 12 натпревари има постигнато 9 погодоци, исто колку Меси. Тој е втор најдобар стрелец со американско државјанство во актуелната сезона, со еден гол помалку од Брајан Вајт. Благодарение на него, но и неговите соиграчи, Сан Диего во моментов е на првата позиција во Западната Конференција.
Колку е блиску Сан Диего до финалното разигрување се чини дека толку е далеку и Милан Илоски од македонскиот дрес. Нема информации околу разговорите на релација ФФМ – Илоски и дали всушност Илоски е на радарот на селекторот на македонската фудбалска репрезентација.
На последниот натпревар на Сан Диего против Ванкувер, Илоски постигна 4 погодоци.
Инаку и двајцата браќа на Милан, Брајан и Ерик се фудбалери, но се далеку понепознати од него.
