Во единствениот денешен натпревар од третото коло во Прва МФЛ, тимот на Силекс на домашен терен славеше убедливо со 3:0 против екипата на Македонија ЃП.
Во дуелот во кој домаќинот целосно доминираше, Силекс трипати ја погоди противничката мрежа, а можеше реално уште најмалку толку.
Стартната иницијатива на домаќините беше наградена во 23. минута, кога Пиреш погоди по асистенција на Ади Алиќ.
Само што започна второто полувреме, Мартин Мирчевски во 49. минута со удар од работ на шеснаесетникот прецизно погоди во десниот агол на голот на Ефремов и зголеми на 2:0 за домашните.
Доколку беше признаен голот на Кире Маркоски, Македонија ЃП можеше да се врати во игра и да се надева на поволен резултат, но истиот беше поништен поради офсајд. На спротивната страна, пак, серијата промашувања на домаќините ја прекина Матевски, кој со убав волеј-удар од десетина метри погоди во последните секунди од мечот.
Силекс по трите одиграни кола има максимални девет бода и три победи, додека Македонија ЃП останува без бодови по поразите од Струга ТЛ, Шкендија и денеска од Силекс.
Извор/Фото:www.ffm.mk
