Советот на македонските заедници на Австралија со задоволство соопшти дека на жалбата од 6 мај 2024 година, за несреќниот инцидент во Oсновното училиште во Лалор Север (Lalor North Primary School) за забрана учениците Македонци да го носат семакедонското знаме со шеснаесет-зрачното златно-жолто сонце на црвена основа на Денот на хармонијата во 2024 година, конечно е добиен позитивен одговор од Министерството за образование на Викторија.
Министерството за образование на Викторија во врска со инцидентот за Денот на хармонијата 2024 во Основното училиште Лалор Север изразува жалење и уверување дека повеќе нема да се повтори ова недоразбирање.
Светскиот Македонски Конгрес изразува голема благодарност до претседателот на Советот на македонските заедници во Австралија, Крис Ангелков за оваа победа над дискриминацијата на учениците Македонците во Основното училиште во Лалор Север.
