Ски центар „Михајлово“ на први јануари се отвора во близината на Кавадарци. Градоначалникот Митко Јанчев најави дека на првиот ден од оваа година ќе се отвори ски центарот, а првата ски патека ќе го носи името „Македонија“.
Во пресрет на отворањето, зимската служба на ЈП „Комуналец“ Кавадарци активно работи на расчистување на патиштата. Со четири возила се чистат правците кон селата Страгово, Бохула, Чемерско, Михајлово и Мрежичко, со цел да се обезбеди безбедно движење на сите кои патуваат кон овој регион.
