Царинската управа на Република Македонија реализираше значајна акција на граничниот премин Блаце, при што беа запленети 78 килограми тутун за наргиле со пазарна вредност од околу 810 илјади денари.
При контролата на автомобил управуван од македонски државјанин, возачот одбил да запре пред царинските службеници и со голема брзина се упатил кон рампата, попречувајќи го нивното службено дејствие. По запирањето, извршена е детална контрола во која биле пронајдени 13 кутии со вкупно 312 лименки тутун.
Со оваа акција бил спречен обид за криумчарење на акцизна стока, за која не биле платени давачки во износ од над 508 илјади денари. Случајот е предаден на Одделението за истраги при Секторот за контрола и истраги, кое поднесе кривична пријава до надлежното обвинителство за криумчарење и спречување службено лице во вршење службено дејствие.
