Регулаторна комисија за енергетика донесе одлука со која се зголемуваат малопродажните цени на нафтените деривати во просек за 14,27% во однос на претходната одлука од 2 март 2026 година.
Новите цени ќе стапат на сила од 10 март 2026 година во 00:01 часот.
Од Регулаторната комисија информираат дека поскапувањето е резултат на значителниот раст на референтните цени на светските пазари.
Во споредба со претходната пресметка, цените бележат пораст:
- кај бензините за 13,384%
- кај дизел горивото за 36,134%
- кај екстра лесното масло за 32,102%
- кај мазутот за 27,870%
Дополнително, врз формирањето на цените влијаел и курсот на денарот во однос на американскиот долар, кој е повисок за 0,9444%.
Од утре максималните малопродажни цени ќе изнесуваат:
- ЕУРОСУПЕР БС-95 – 79,50 денари за литар
- ЕУРОСУПЕР БС-98 – 81,50 денари за литар
- ЕУРОДИЗЕЛ БС (Д-Е V) – 85,50 денари за литар
- Екстра лесно масло за горење (ЕЛ-1) – 82,50 денари за литар
- Мазут М-1 НС – 42,586 денари за килограм
Бензините ЕУРОСУПЕР БС-95 и ЕУРОСУПЕР БС-98 поскапуваат за 5 денари по литар.
Ова зголемување на цените на горивата доаѓа во време кога транспортните трошоци и цените на енергенсите веќе се под притисок.
Експертите предупредуваат дека поскапувањето на дизелот може да има директно влијание врз транспортот, цените на производите и инфлацијата во Македонија.
