Со изложбена поставка на ликовни творби од овогодинешните учесници, во комплексот Eтно село “Тимчевски”, вечерва свечено беше затворена традиционалната ликовната колонија, “Куманово 2025”, (06-11 август).Настанот е под покровителство на Градоначалникот и Советот на Општина Куманово и Министерството за култура и туризам на РСМ, во организација на Фондацијата за култура и спорт – Куманово и НУ Музеј – Куманово.На 51 -то издание на оваа ликовна манифестација, учествуваа 11 ликовни автори, од Македонија, Србија, Бугарија и Романија.Уметниците имаа можност да создаваат дела на слободна тема, во повеќе ликовни техники: масло на платно, акрил, комбинирана техника и сл.За време на петдневната ликовна колонија, учесниците имаа можност да посетат неколку културно – историски знаменитости во Куманово и околината.На свеченото затворање на уметничката манифестација, присуствуваа членови на Советот на Општината и претставници од општинската администрација, кои добија благодарници за несебичната поддршка, од страна на организаторите.
Извор:kumanovo.gov.mk
