Кратко интервју со Лазо Костоски, носител на советничка листа во Општина Карпош.
1. Што Ве мотивира да се кандидирате за советник во Општина Карпош, и што сметате дека можете лично да придонесете?
ЛК: За советник да се кандидирам бев мотивиран од многу работи кои се оставени на страна. Со моето делување во советот на Општина Карпош сметам дека ќе допринесам барем за еден дел од тие недостатоци да ги надоместиме.
2. Кои се најголемите проблеми со кои се соочуваат граѓаните на Карпош и како би предложиле да се решат на советничко ниво?
ЛК: Има многу проблеми за решавање, како на пример за кабастиот отпад и шутот кој се ствара при реновирање. Треба да се определи место каде ќе се собира тој смет и кое време во месецот ќе се подигнува истиот. Заедничкиот пристап со граѓаните во решавањето на проблемите ќе допринесе за брзо и ефикасно решвање на истите.
3. Како би обезбедиле поголема транспарентност и отчетност на Советот пред граѓаните?
ЛК: На крај на месецот би имал средби со граѓаните, на кои средби би презентирал што е сработено во изминатиот месец. На тој начин ќе се обезбеди континуиран начин на транспарентност и отчетност пред граѓаните.
4. Што планирате за младите во општината – културни, спортски и образовни содржини?
ЛК: Прво треба да се пронајдат локации за ваков тип на настани што за жал во нашата општина ги има во голем број, меѓутоа истите стојат неискористени. Во наредните четири години, како дел од советот, приоритет ќе ми биде и заживување на тие локации на кои ќе може младите да творат и да се рекреираат.
5. Советот често носи одлуки за урбанизам и инфраструктура. Каков е Вашиот став за урбаниот развој на Карпош?
ЛК: Урбаниот развој е посебна тема на која треба да се обрати поголемо внимание, поради тоа што се прават работи кои се на штета на граѓаните.
6. Која е Вашата порака до граѓаните на Карпош – зошто да Ви ја дадат довербата?
ЛК: Мојата порака до граѓаните е: дојде време кога граѓаните ќе одлучат заедно со нас, со нивна помош да ги реализираме заедничките потреби, да го направиме животот во нашата општина како што заслужуваат жителите.
