Во првиот натпревар од деветтото коло во Првата МФЛ, Македонија ЃП го совлада Арсими со 4:1 и по денешниот триумф се искачија на шестата позиција на табелата.
Серијата погодоци на стадионот во Ѓорче Петров ја отвори Ѓорѓи Стоилов веќе во 13. минута кога по асистенција на Клинтон Осеи успеа да го совлада противничкиот голман.
По само осум минути игра во продолжението од натпреварот Мартин Талаков ја зголеми предноста на домаќинот на 2:0.
Арсими ја врати неизвесноста околу епилогот откако во 68. минута, Шефик Шефити ја затресе мрежата на Македонија ЃП.
Во завршните дваесет минути од средбата домашниот состав постигна два гола за убедлива победа.
По неколку нереализирани можности за погодок, Гереро ја искористи грешката на голманот на Арсимии и на Македонија ЃП и донесе водство од 3:1, а во претпоследната минута од средбата во листата на стрелци се запиша Кире Маркоски за победа на домаќините од 4:1.
Извор/Фото:www.ffm.mk
