Во голема антикорупциска акција на Европското јавно обвинителство (EPPO) и хрватските истражни органи, уапсени се околу 20 лица низ цела Хрватска поради сомневања за злоупотреба на европските фондови за земјоделство и субвенциски измами, пренесува Index.
Според информациите кои ги објавуваат хрватските медиуми, во центарот на истрагата се наоѓа Агенцијата за плаќања во земјоделството, односно нејзината подружница во Сисак. Меѓу главните осомничени се наоѓаат директори и други функционери кои барале мито за да овозможат исплата на субвенции.
Според наводите, тие барале 300 евра мито за да „завршат“ процесот на добивање на 5.000 евра субвенции, што укажува на сериозни злоупотреби во системот. Оваа акција е дел од пошироките напори за борба против корупцијата и заштита на европските финансиски интереси.
