Во Љубљана избувна голем пожар во складиштето на трговскиот ланец Spar. На теренот се наоѓаат повеќе од 300 пожарникари, кои се борат со огнената стихија, додека густ дим се издига над градот. Според информациите од полицијата, сите работници успеале да се евакуираат навреме и нема повредени.
Пожарот е пријавен нешто по 10 часот, а интервенцијата продолжува. Полицијата обезбедува местото на настанот, а истрагата ќе започне откако пожарот ќе биде целосно изгасен и ќе се создадат безбедни услови за работа.
Според првичните информации, пожарот започнал во делот на пекарницата. Пожарникарите се соочуваат со тешки услови, бидејќи огнот сè уште не е под контрола. Тие им препорачаа на жителите од околните населби да ги затворат прозорците и да вклучат вентилациони системи за да се минимизира влијанието на димот и загадениот воздух.
Од компанијата Spar потврдија дека сите вработени се безбедни, бидејќи навреме се повлекле. Дополнителни информации од надлежните служби ќе бидат објавени по целосното гасење на пожарот. Според најавите, денеска се планира да се издаде официјално соопштение за јавноста.
