Вчера и официјално, со свечената церемонија на затворањето завршија Европските младински олимписки игри, а Италија излезе како апсолутен шампион со вкупно 50 медали, вклучувајќи 19 златни, што ја постави на врвот на табелата на освоени медали.
Франција го зазеде второто место со 38 медали (15 златни), а Шпанија со 33 медали, од кои 10 златни, ја заокружи водечката тројка.
Во најдобрите десет држави влегоа и Турција, Велика Британија, Полска, Унгарија, Германија, Србија и Украина. Особено внимание привлече Србија, која со 6 златни медали се позиционираше на 9. место, над држави со поголем број на вкупни одличја.
| Ранг | Држава | Златни | Сребрени | Бронзени | Вкупно |
|---|---|---|---|---|---|
| 1 | Италија | 19 | 19 | 12 | 50 |
| 2 | Франција | 15 | 18 | 5 | 38 |
| 3 | Шпанија | 10 | 11 | 12 | 33 |
| 4 | Турција | 10 | 7 | 9 | 26 |
| 5 | Велика Британија | 10 | 7 | 5 | 22 |
| 6 | Полска | 10 | 6 | 11 | 27 |
| 7 | Унгарија | 10 | 5 | 11 | 26 |
| 8 | Германија | 7 | 4 | 12 | 23 |
| 9 | Србија | 6 | 2 | 6 | 14 |
| 10 | Украина | 5 | 8 | 10 | 23 |
Во категоријата Индивидуални неутрални атлети, спортисти кои не се натпреваруваа под знамето на својата држава, освоија вкупно 13 медали, од кои 5 златни, покажувајќи високо ниво на индивидуален спортски квалитет.
Од земјите од Балканот, се истакнаа и Молдавија, Хрватска, Словенија и Босна и Херцеговина, кои освоија барем по едно златно одличје. Косово и Ерменија се најдоа на листата со по еден бронзен медал.
Вкупно беа доделени 488 медали, од кои 152 златни, 151 сребрен и 185 бронзени, распоредени меѓу 40 држави.
Младинските олимписки игри 2025 донесоа инспиративни приказни, нови спортски ѕвезди и уште една потврда за спортскиот дух што ги обединува нациите. Италија со својата доминација постави висок стандард, но големиот број медалисти од различни земји покажува дека иднината на европскиот спорт е светла и разновидна.
ИЗВОР: nacionalno.mk
