Во близина на Пртлог, во регионот Лабинштина (Истра), попладнево се случи несреќа при што параглајдер заврши во морето. Според официјалните информации, инцидентот бил пријавен на полицијата во 18:56 часот, а на терен веднаш биле испратени спасувачки екипи.
Како што потврди Саша Степанчиќ, командант на Противпожарната единица Лабин и координатор на спасувачката акција, параглајдерот е пронајден на длабочина од 15 до 20 метри, но телото на пилотот сè уште не е лоцирано.
„Според првичните информации, станува збор за странец кој полетал со параглајдер од Пртлог. Леталото го пронајдовме на дното, но и покрај ангажманот на нуркачите, лицето не е пронајдено во неговата близина. Потрагата продолжува – и на море, и по копнените карпи,“ изјави Степанчиќ.
Во операцијата се вклучени спасувачи, нуркачи и припадници на полицијата, а теренот се пребарува и од морето и од копното. Истрагата е во тек, а идентитетот и националноста на исчезнатиот параглајдерист засега не се соопштуваат.
